Warum dr Schwob sei Kehrwoch mecht. (Irgendwo im Internet gefunden ..)
S gibt gute Gründ warum dr Schwob sei Kehrwoch oifach macha muß und nedd drumrum kommt.
Z erscht muß mr no kurz erwähne, Kehrwoch wird immr am Samschdich gmacht.
Oft ischs dann so, daß d Fraa im Haus putzt, dr Mo ausarum. Des isch no a ganz klare Uffteilung und s gibt koin Schtreit.
Dr Schwob isch saubr.
Für a schwäbische Hausfrau (odr Hausmo, solls ja au gäba) isch des a riesigs Lob wenn mr zurer secht:
"Eier Gehwäg isch abbr fei schee saubr." odr: "S Träppahaus isch so saubr, do kenntsch vom Boda ässa"
obwohl mr eigntlich nedd vom Boda ässa sollt.
Wenn dr Mo d Rasa mäht (Dr Mäher isch uff genau 35mm gschtellt), odr sein Daimlr putzt,
no duat Fraa halt s Träppahaus wischa und d Gehwäg fähga.
Natierlich isch des a Gschäft, des kennt mr doch au übr Näbakoschta von dr Miete an a Putzfirma abdrücka.
Macht n rechta Schwob abbr net.
Weil nemlich andre nedd gscheit putza könna und sowieso koi Ohnung von nix hänn, no mecht mrs halt glei sälbr.
Hier noch ein Video paasend zum Thema:
https://www.youtube.com/watch?v=TAdQQ6b1tFI
Viel Spass
Alfred